الیوسف ما حزن مثلی ویعگوب        ثلث حزنه ویصل ثلثین لیه

اصواب البین شوف اشلون یدها       العفیفه الشید السلام یدها

مشت زینب وستر الوجه یدها       عگب ذاک الخدر لبن الدعیه

محمد لیش ما جیتوا علمکم        یخویه اعله النهر طایح علمکم

هلی ما واحد ابحالی علمکم       ولا بیــــــــــــــکم فزع نغار لیه

یسکنه خل نروح ابساع وانشل        اجروح حسین جسمه انبهض وانشل

مشن شافن الراس ارتفع وانشال        علی الخطی وهون فوگ الوطیه

ابنوم الهنه چنت و أحسّ وعّاني بچفوفه القلم شفته ابحزن جاب القوافي

ايگودها

وگلّي اکتب احروف الشجه وشفت المشاعر واجفه وچن تنتظر والمدمع اعله

اخدودها

وشفت القصیده امگبعه وامعصبه وتون شبه امّ الحنونه الشیّعت مولودها

وشفت المواضیع اگبلت بس ذاک موضوع الحزن ذبّل لخوتي من الونین

اچبودها

وحسّيت دمعاتي اهملت من اذکرت روضة هلي الما فتّرت واشلون تنعه

اورودها

وظلّیت أکتب والقلم مخنوگ احسّه ابعبرته ومخنوگه روحی ابعبرتی الذیچ

الشباب الضیّعتها الحودها

وکل یوم اگعد والندعی بلچي الزمان ایعودها

الذیچ اخوتی الچنّه ابنزل وابّیت واحد دار وحده المنها نشتم عودها

وغصّیت بریاگ الأسی الذاک المهد مهد الکبر بیه الاخووآنه اکبرت بیه وبعد

حضن الحنونه الوالده الشالتنه فوگ ازنودها

واذکر لمن نلعب سوه ونمشي سوه ومقرون دمعه ابدمعتي وناکل اللقمه

الچان ابونه ایجودها

وچنت من اشوفنّه ابتسم یبتهج گلبي ابشوفته ونغمات روحی تعتلي وی

روح اخوي المعتلي منشودها

واقراها چنت ابضامره بنفاسه وکت اصعودها

ایگلّي یخویه اویاک اظل اتمنّه ایّام العمر گتله أبد ما فارگک وانته الچبدتي

ابرودها

وانته الدلیلي اتسکّنه لو شنّة اعلیه النوایب زودها

وانته الترد چف الهظم لو راد یزرع جمرته ابگیعان روحي الوعت من ارقودها

وانته التزیل اشما لفه من اهموم دهري ومحنته وعنّي المصیبه اتذودها

وانته شمس لیل الفکر لو دلهم ابعین العمر واکداري انته افنیت کل اجنودها

و لمن حچیت اویاه ونّ گتله علامک لي تونّ وانته عقد منضودها

خوفي یگلي من الاجل ما بین خوّتنه ایفتک گتله حکم معبودها

وبالفعل فارگني الاُخو لمن حضن روحه الاجل روحي ابرمح فرگاه لمن صابها

شلت النعش نعش الاُخو ؟  لا   لا تظن نعش الاُخو نعش الفرح نعش الهنه

نعش الدلیل المنفجع بمصابها

وخلّاني مکسور الظَهَر  واچفوفي من دم البِیــــابي اخضابها

وخلّاني اوگف عالگبر وادموعي عالخد اتهمل واتجرعيت اصعابها

وخاطبته چا وین الوعد یالگلت ابگه اویاک اظل یالسافرت واتوسدیت اترابها

یالعفت اخوک ابلوعته ومن ادخل الدارک أحن ینعب اسمعه اغرابها

ویا خویه امنه اتخاطبک واتناشدک تبچي وتصیح امصیبتک لا ما حسبت

احسابها

ابلوعه وتجابل حجرتک واسنین لمن ربّتک تذکر یخویه اتعابها

لمن تهزّک بالمهد اتگلک دللوي الولد وامساهره ولجلک تعوف اشرابها

لمن تناغیک ابأمل تطرح جفنها افراش الک واغطاک تدري اهدابها

و لو تسمع اونینک تشب وایفور دلّال العطف والعین یهمي اسچابها

تذکر یبعد أهلي المضوا عید الحنونه ابشوفتک ولمن سره ظعنک تره اسودّت

علیک اثیابها

وما بدّلت ثوب الحزن واتعالج اهموم الدهر دهر المشوم النابها

واتصیح یا یمّه العمر کلما یطول آنه اندمر واعیوني بس اعلیک هل خنیابها

ومهظومه تبگه اتعاتبک تنعاک وایطر الصخر ونها وألیم اعتابها

اتگلک وسف ضاع التعب ضاع السهر ضاع الربه وظلّیت غدرات الزمن ما هابها

و یاریت وافاني الأجل گبلک ولا شوف النّعش تنشال بیه اجنازتک والعین ردت

اذهابها

واشلون تبگه امّحنه امّ التشيّع شابها

واشلون عذراته الوکت بیّه اطعنت نشّابها

واشلون دنیاي اظلمت وآنه البست جلبابها

واشلون یا یمّه ارحلت وامّک تنادي وما تردّ اجوابها

اشلون اتمالک انفاسي ولابح        سر حزن المرد چبدي ولابح

صحتلک ما فتر صوتي ولابح      بح صوت الحزن وانفجع لیّه

**********************

بح صوت الأسی الحزني ولاصح      واذم بالبخت صحّ گالوا ولا صح

ابون الگلب نادیتک ولاصح        صحت وانحبست العبرات بیّه

**********************

صحت وانحبست العبره ولامح     چف دنیتي الهم عنّي ولامح

تربه العین الک صدّگ ولامح     جفن عمري ابأمل ترجع علیّه

أهزّن بالشرف قلمی وادوسن بالحبر قرطاس

واذا تنجلب کل دنیای أبد ما هبطیت الراس

إذا تنجلب کل دنیای وتشن غاراتها اعلیّه

أنا ابحب حیدر الکرار طخ الراس مو لیّه

أعیش ابعز واظل محشوم عزم اهلی امتثل بیّه

هلی أهل الشیم ذوله وشرفها المصطفی الجرناس

هلی الهادی واهل بیته هلی حیدر علی الکرار

حسنها احسینها الصندید وتسعه الشیّدوها الدار

هلی مسلم هلی الأکبر هلی القاسم شباب البار

هلی عدهم مثل زینب عفیفه ابشیمة العبّاس

فی مدح الامام امیر المومنین(ع) 

بيت المراجل زهه ونادیت گلبی عدلـ

در الـّذي لا شبه بالخلگ عنده وعدل

راعي الکلافه علي الشیّد اصول العدل

حیدره المن صارمه سوح الموازم میت

وغیره مثل غیرته بالکون صدّگ میت

گلب الیضدّه اعتقد مو عدل هذا میت

والمیّت الوَد علي مو میّت احلف عدل

من زودک ارکان الشرف مایت         ومثل هیبتک طول الزمن مایت

الیضدّک یا ابوالحسنین میّت        وعدل بس الیودّک یا شفیّه

روح الدیانه تره ابحیدر علي ام علّگه

والیبغضه ابخلقته لمن یرد علّگه

ومن بالمراجل گدر یسبق الضی علّگه

ویفنی الکفر بالّگه وجیشه ابعزم صارمه

وجلمدها من حملته ذاب اعتقد صارمه

ولمن شهر بالحرب حیدر علی صارمه

جندل جسد مرحبا وراس النّذل علّگه

ویّاک یالناصبی وانته العوج وانتل

تایه ابّحر الجهل بالسِوَر ظل وانتل

یم باب حیدر علی ظعنک لوَن ونتل

گاه زاهی الشرف والکل شقی بیّد

بَی أب تنول العلی والمکرمه بیّد

هم اسئلت خیبره بَی چف رجف بیّد

طاح العمد والباب رکنه انگلع ونتل

کرارها الملحمه و بالملحمه کـــــــّرها

وکرّ العساکر طبگ والروس تل کــــــــــــّرها

وصارمه الما کع لمع ومن الضرب کرها

وکبّر وغه الملحمه وسیفه الوغه ملحمه

والراد الحمه منحمه سلــــّم یصد ملحمه

شی بالعجاج اطمست شی ذاه بالملحمه

شی ابخزرته گضت من گبل لا کــــــّرها

کرها وهدم من کرها وکرها      وسیفه الما حنی افناها وکرها

شی طمها ابعجاج الذل وکرها      وشی ابخزرته ادعاها رمیه

الصلوة النبويّة الشريفه

الله من اختار طاها اهوه الحبيب     إنفتحن ابواب السمه وحيّن إله

قاسه بالأفلاک کلها اوی الوجود       والنبوّه الگبله چانت مرسله

ولإن طاها اشرف جميع الکائنات       للعرش لمّن وصلّه استقبله

اهوه معجزته فرد  قران چان       وبيه الف قران ربّک نزّله

بالأرض سمّا محمّد کل مکان     وبالقلم عاللوح أحمد سجّله

الزهراء(س) علّة الوجود

امنظّمه بسمچ قصيده وهيّه بحلوگ الزمان امنظّمه

وسرّچ أبداً ما تعرفه الخلگ کلها وحتّی طاها من الباري اتعلّمه

کادت احروف الشعر تمدح قصيدچ والقصید ابإسمچ آنه امکرّمه

سرّ مديحچ مسئله ونقطة سؤال  ايدور بعگول الأبد ما تفهمه

إنتي سوره وآيه من گلب الکتاب واسمچ الباري العظيم امعظّمه

إنتي مبدأ کل نهايه ابهالوجود ومنتهاچ اوّل بدايه وقادمه

إنتي مولوده و وليده ابکل عصور وعالمه  من غير ما متعلّمه

شاء لسمچ الله يختار الخلود وبي فطر هاي الأرض من هالسمه

شاء يختارچ وريثة انبياء الما  رعی ورثچ عسی عيونه عمه

إنتي بت المصطفی طاها الرسول وزوجت الکرار حمّاي الحمه

إنتي اُمّ الحسن واحسين الشهيد  السجّل اکتاب المراجل بالدمه

إنتي بتّچ زينب الذلّت يزيد وگصّت السون الحچي بالملحمه

ويکفي فخرچ لو دخل طاها عليچ ايقبّل ايدچ شنهو أطهر من فمه

کوثره وزهراء وعذراء وبتول  وعابده وأيضاً بعد هم صائمه

راضيه ومرضيّه من رب الکريم واسمچ ايريد الطهار ه

إنتي سيدة کل نساء العالمين والکرامه ابثوبچ انتي امحشّمه

إنتي فاطم والمدح لايگ عليچ ويا الف تنعام بسمچ فاطمه

للشاعر المبدع

السيّد عبدالخالق الحسني